混音的分析

leaoardo

其實有好多傳統教法都係單憑想像同猜測加入好似好深奧既理論同字眼令到學生以為好專業,但係又令到佢地好混淆又唔知點做...老師應要知道背後既理論但學生就最緊要明白點樣去實踐達到想要既效果...小弟師承世界知名聲樂老師,其中Celine Dion同王力宏都係我師兄師姐,所以只係想與大家分享下經驗...
如果假聲係你所講唔係漏氣,咁請問假聲(falsetto)同頭聲(head voice)又有何分別呢? 而混音(mix voice又稱middle voice)又究竟存在係邊呢?其實混音既意思係將真/胸聲(chest voice)既強實音質與頭聲既共鳴釋放度混埋兩樣都有所以叫做混聲用來接駁兩組聲音...而其實無論你係發真聲,混聲或頭聲,方法都係一樣所以其實我之前已經講咗比你聽點樣發混聲...其實講野與唱歌發聲既方法係完全無分別,都係由喉嚨既聲帶發出黎所以坊間叫人唔好用喉嚨黎唱歌依個概念係有小小問題...發聲既原理係氣經過合上既聲帶產生振動出音波同音頻,經過喉嚨,口腔同鼻腔然後從預備定既口形出黎產生你唱出黎既字.每人唔同大細既喉嚨,口腔同鼻腔以d共鳴位就斷定咗每人唔同獨特既聲線音色.每人唔同大小長度既聲帶就斷定咗你既聲線較高音剌耳或較沈較重.而你所唱出黎既唔同歌詞係效唔同既口形同小許既舌頭移動黎出唔同既母音子音形成字.依個就係我用來發任何聲既方法簡單直接易理解.
至於好似你所講假聲只係用聲帶邊緣振動發聲,其實已經證明咗佢合唔埋漏氣先至可以做到你所講既情況否則像紙般薄的聲帶碰合起一定會整條振唔會剩係邊緣振...以你所講振動面小所以振動次數多而發出高音依個概念係錯既...當在低音時聲帶係較厚身同肥音頻 frequency (則開合振動次數)較低...一路隨音域上時,聲帶會伸延好似一個肥仔比人拉高咗瘦咗咁,聲帶變薄咗容易觸發振動咗...所以其實我地反而能夠用較小氣來發高音(坊間誤解係用更多氣唱高音係錯既,反而低音要用較多氣來振動較厚既聲帶先至正確)...如在middle C (C4)聲帶大概係每秒開合440次(440Hz)...通常平均成人男士基本音頻係大概125Hz..女士係210Hz...小孩係300Hz以上...而我地唱歌每上半個八度聲帶開合就會大約增一倍到.
如果音質及聲量有變其實以經係連唔埋因為你已經把自己既聲線係音域裡面折開咗幾節...你假音連接部份應該會特別細聲...假如以1-10計算, 1係最細聲10係最大...咁如果我想用8黎唱一句比較激烈既部份咁唔通因發聲區問題突然變咗做假聲剩翻3...無咗聲? 可能你真係可以用3黎連接真聲到假聲到頭聲,但無可能係8,9,10做到...如果一把聲只能夠係細聲時先靚...就會局限咗自己既歌路,演繹變得沈悶. 但當然如果係演繹時點樣運用把聲係個人既風格,但係如果係因自己既歌唱能力局限咗自己既選擇就係一個問題同唔好既歌唱技巧啦.
"而關於混合聲係講求關閉同閉合,講求係要令聲帶前部份穩定,而後部分放鬆,甘氣就會輕後面聲帶過,因為振動發聲部份聲帶變短而可以發出高音"
發高音既原理我已經係上面提到,至於你所講既..."令聲帶前部份穩定,而後部分放鬆"...如果你真係可以將聲帶分前後咁控制我真的要恭喜你...但係事實係無可能既...聲帶係類似"V"字形開合,所以"V"的尖端(所講既前部)通常發聲時都會先合上...如果你唔用盡把聲只把前部份開合,後部就會有裂口造成漏氣 (你所為既放鬆)...做成你之前所講既能夠加大假音聲量但唔實既理論,但係依個發聲方式係唔健康因為聲帶受壓唔平均...好容易係壓力較大既地方生野.
你所提及既歌手曹格,蕭敬騰,信,林志炫等都有用混音...只不過係大細聲輕重既分別...混音係可以因應唔同既歌曲及演繹,發出唔同既音色...可強可弱可輕可重...改變口形可以令音色變得更穿透或圓滑...調節聲帶既閉合力程度可令音色更實更硬或較輕較感人等等...全部發聲既方法都係一樣,只不過對我提及過歌手能控制個3樣野(排氣,聲帶,母音)中作出調節.
我唔係太清楚你話"男高音都係可以上到c3 only (chest voice)"既定義...因為根據美國,男高音Tenor一般既chest voice剛係C3開始唔係你所講既終止...而音域可上到C5男人high C. 同埋如果想練好混音係一定要找到自己每個轉音橋樑個一粒音否則就永遠都唔會知道自己練緊咩.
-------------------------------------------------------------------------------------------------------------
最後有些聲帶片段同大家分享,可以當教育電視咁睇...但係如果你怕睇到體內如何運作就唔好睇啦!
1. http://www.youtube.com/watch?v=e-ovgL_fPVs
片中男聲從真音上高音: 喉頭上移肌肉拉緊向內迫阻止聲帶調節厚薄同伸延,最後聲帶受不了壓力在轉音橋樑突然破音(flip)變了假音(falsetto),聲帶上方裂開漏氣(0.07). 而其實佢低音已經有問題,肌肉已經緊咗只用中間部份來發聲唔係用整條聲帶,所以連接唔到係必然.
2. http://www.youtube.com/watch?v=iYpDwhpILkQ&feature=fvst
片中女聲從低音上高音: 看到高低音聲帶調節既分別,我所謂既低音肥厚高音伸延同薄. 你會發覺佢係低音時聲帶上方有裂口漏氣,依個係好多女士既通病,就係慣咗係較高既音域講野無發展把真聲無用盡聲帶,所以真音通常多氣聲又無力 (0.01-0.04)... 然後到高音,好明顯佢慣得多,聲帶伸延變薄整條聲帶在開合(0.07-0.10)...出力時肌肉拉緊向內推喉頭上移所以成日壓向鏡頭(0.30-0.33)...跟住佢用整條聲帶黎發聲(C4-chest voice)音質好明顯實咗強咗(0.50-0.58)...跟住唱(C5-mix voice/2nd bridge)聲帶伸延變薄整條聲帶發聲 (1.00-1:02)...第一轉音橋樑位置(A4-1st bridge) (1.07-1.09)...從真聲chest voice (A3)位置上第一轉音橋樑(A4) (1.13-1.16)...從第一轉音橋樑(A4)到達第二轉音橋樑(C#5),但越過唔到因為肌肉拉緊喉頭上移迫向鏡頭(1.18-1.20)...從第二轉音橋樑區(F#5)連接咁落回真音經過第一第二轉音橋樑(1:23-1:26)...最後將喉頭壓低黎唱低音肌肉拉緊向內推聲變得氣同含糊(1:27-1:29).
-----------------------------------------------------------------------------------------------------------------------------------
混音音色變化
1. http://www.youtube.com/watch?v=_evRNXhrOEU&feature=fvw
Whenever You Call - Mariah Carey和Brian McKnight合唱
顯示了唔同混音音色的變化
2. http://www.youtube.com/watch?v=MepdpUgO_Ak&feature=related
Here And Now - Luther Vandross主唱
可以把混音玩得出神入化的已故巨星 (記得要聽到尾)
3. http://www.youtube.com/user/link ... #p/u/15/eGgmRKxL4J4
Breaking The Habit - Linkin Park主唱
混音用在Rock風格
4. http://www.youtube.com/watch?v=oxFS9lUgQZ4
Nessun Dorma - Philip Webb主唱
用在歌劇 - 代替了Pavarotti成為其中一位"The Three Tenors"的歌劇巨星
5. http://www.youtube.com/watch?v=_ptdGPt9wt4&feature=fvw
A Little Fall of Rain from Les Miserables - Lea Salonga主唱 (女人)
用在音樂劇 - 亞洲唯一的世界音樂劇巨星


希望有助大家對歌唱發聲既了解同認識.