喊驚

nezip9

七十年代,大陸仲未好似依家咁進步,大家都係住係鄉村內過住早出早歸既生活,當時,我嫲嫲工作後回家,吃完晚飯洗完澡,便上床訓教了(當時無咩娛樂,所以開始天黑時大家就會開始訓),訓到大約凌晨兩點左右,我嫲嫲就被屋外嘈醒左了,當時嫲嫲走出屋外,見到好多街坊拎左油燈出黎照明,就好驚訝(當時你有錢都買唔到野呀,好似話要有d咩票先買到野,而果d票每月只係賣幾張比你),就問街坊發生咩事,街坊就答佢,從十二點開始,係條村某處就開始發出怪聲,好似貓叫聲,但又似嬰兒喊聲,喊左咁耐嘈到大家訓唔到,所以就出黎問下大家係邊家人發出依d聲囉,點知個個都話無,依家打算成條村搵下囉,聽完我嫲嫲就跟住大隊一齊搵出發聲既源頭,嫲嫲佢地搵左好耐,搵搵下搵到黎一間廟,發現原來就係依到,當時大家好驚,心諗...夜鬼媽媽有貓/嬰兒係廟度喊左三個幾鐘,大家都不約而同地諗到「撞鬼」依兩隻字,雖然大家都好驚,但因為怕成晚比佢嘈到無得訓.所以大家就鼓起勇氣一齊開門入廟,始知門一開,喊聲就始停了下來,村民都唔敢再留係度了,好快就返到屋企繼續訓,大家都以為事情應該告一段落,可惜.............第二日早上,廟祝係廟內發現左條男屍........................原來鬼既喊聲係同貓叫和嬰兒喊聲差唔多既....................

*****************************************************

後記:從好多方面我都聽過鬼叫同貓叫和嬰兒喊聲差唔多,所以依家晚上窗外有貓叫/嬰兒喊聲,我都唔會理,免得惹事上身

南非王子

謝謝分享