某年,我伯父佢係深圳租左間屋同嫲嫲一齊住,某日,伯父佢加班要好夜先番到屋企,咁我嫲嫲就自己一個訓先,訓訓下心裏突然十分不安,當佢轉身面向牆壁時,佢竟然見到一個肥肥地唔係好高既男人用一對死魚般既眼望實佢,當時我嫲嫲同個男人對望左幾秒,先開始比到反應,反應一到我嫲嫲就邊叫邊跑出屋外,坐係門口唔敢入屋(點解唔出街呢,因為當時深圳治安極差,一個女人夜媽媽落街實出事),當等到他兒子(我伯父)返黎,就邊哭邊跟佢講間屋有鬼,伯父佢緊係唔信啦,但係見到佢媽咁驚,就同佢換房訓,第二朝,嫲嫲問佢有無事發生,佢話無,仲叫嫲嫲唔好亂諗野,雖然如此,但嫲嫲對依間屋有好深既陰影,不久後就無再租了
*****************************************************
後記:根據當時情況,我覺得個男人原本係果間屋既無惡意靈體,只係因為我嫲嫲果晚時運低先見到佢,而我伯父睇落去黑黑實實,殺氣騰騰咁,一睇就知陽氣爆晒燈果種人黎,所以當晚佢咩都感覺唔到,點解我會認為隻靈體無惡意呢,因為我嫲嫲見到佢之後都仲住左成個月,有惡意既靈體知你見到佢既,佢實搞梗你,而我嫲嫲就平安無事,不過,見得鬼既,運氣就一定唔好架啦,據我嫲嫲所講,見鬼之後足足三年都係行衰運 |
發表於 14-8-2013 16:05:11
收藏
轉播
分享
淘帖
支持
反對
變色卡